Minister di Asuntunan Interior i relashonnan den Reino a instalá un grupo di diálogo pa sondia efektonan di e pasado di sklabitut den e komunidat aktual. E punto di salida aki ta forsa Bonaire pa na un manera profeshonal studia historia di Bonaire i no solamentee pasado di sklabitut. Ta rekomendabel pa Kolegio Atministrativo di Bonaire instalá un grupo di trabou, multidisiplinario, huntu ku Skal i OCW pa kuminsá pone kontakto ku Archivo Nashonal na Kòrsou, Hulanda, ICUC i Universidat DrFrumensio Da Costa Gomez na Bonaire pa traha e kuadro kon studia historia di Bonaire.  Na Bonaire ta blo keda drai rònt disimadan, barí, maskarada, San Juan, San Pedro, Martis di Kathalina Janga, Sklabitut, brueria i bailenan folklóriko. Tendensia nobo den historia ta e partinan antropológiko i filosofia. Metodologia pa hasi investigashon ta un eksigensia. Un tópiko, banda di tur otro tópiko interesante, ku meresé mas atenshon ta historia di hende muhé na Bonaire. Ta konosí ku tin hende muhé ku a hunga un ròl importante riba diferente tereno pero sèmper nan ta keda den sombra di e hende hòmber. E ekspreshon “Tras di éksito di un hòmber tin un muhé fuerte”.  Nunka ta amplia riba e muhé fuerte. Laga mi duna un ehèmpel. Maria mama di Hesus i Maria Magdalena, partner di Hesus tabatin influensia riba Hesus i tin hopi estudio tokante e dos muhénan aki. Un ehèmpel pa loke ta trata Bonaire ta e siguiente; bonerianonan, tantu amigu i enemigu, ta orguyoso di Miguel Pourier, pero nunka ta papia, te pa hasi un studio profundo di yùfrouEmmaPourier. Mi deseo ta pa dia Rincon hasi sinkushen aña tin un busto di EmmaPourier. Ken ta dispuesto pa yuda realisá esaki.

 

Arthur Sealy

 

 

Share This
error: Content is protected !!