Awe nochi algu prome ku 9or na momentu ku tabata deskargando e barku di Don Andres ku a bini ku diferente container a bin resulta ku un trailer ku bòter nan di gas riba dje a kèntel i kai. Aki nan 1 of mas boter di gas a kibra i aki e boter di gas aki a kousa ku tabata tin lekkage fuerte di gas riba waf di suit i e area. Konsekuentemente a yama polis, brantwer i tambe Kmar pa asina por evakuá tur e persona nan ku tabata presenta na e diferente restorant nan den bisendario di e waf N. Craane. Naturalmente tur persona ku tabata laborando riba waf tambe mester a bandona e sitio pa asina kuerpo di bombero por hasi e inspekshon nesesario riba e lekkage di gas. Ta pidi koperashon di pueblo pa no bai den e area, pa asina tur hende keda sano i salvo i laga esnan konserní hasi nan trabou. Polis tin e area kompletamente será huntu ku Kmar.
Entretantu nan a lòs Doña Luisa for di waf aki tamba pa medida nan di prekoushon. Kuerpo di bombero ta enkargá ku full e situashon riba waf di suit aki.

FUENTE: LIVE 99 FM

 

Share This
error: Content is protected !!