KPCN TA AVISÁ PA VENENU RIBA BICH NA LAGUN

E periodo tras di lomba vários notifikashon a drenta tokante kachónan ku probablemente a venená riba bich  na Lagun. KPCN ta pidi pa pone èkstra atenshon ora bai kana einan ku kachó òf ku mucha chikitu. Paga bon tinu pa nan no kue òf kome nada for di suela.

Si  tin testigu òf si tin informashon tokante ponementu di venenu na e sitio ei, polis ta pidi pa tuma kontakto via 717 8000 òf anónimo, via 717 7251.

VÁRIOS NOTIFIKASHON DI KIEBRO/ LADRONISIA

Den e último lunanan a drenta vários keho di ladronisia i kiebro den kas. For di un análisis di e departamentu di reshèrshi a bini dilanti ku den mayoria kaso bentana i/òf portanan tabata habri òf no tabata bon sera. No hasi bida di e ladron fásil. Sera bo bentana- i portanan bon ora bo ta sali kas. Asina bo ta yuda prevení ku ta kibra drenta bo kas òf bo outo.

 

Share This
error: Content is protected !!