KRALENDIJK — Despues di hopi pusha, porfin nos a logra haña un chens pa sinta na mesa ku Tweede Kamer.

Esaki no ta un gran logro, pero e ta mustra ku Den Haag ta tuma nos na serio. Pa años Boneiru i Den Haag a ignora hobennan Boneriano i nunka a pone prioridat pa yuda nan i/of involvi nan den nan plan nan. Hobennan por implementa kambio riba Boneiru pero nan mester di espasio pa nan por hasi esei. Nos ke forma un relashon ku Den Haag pa juist kambia esei, mirando ku ta nan ta manda riba Boneiru. Lokual nos ke logra

– Pa Den Haag involvi hobennan Boneriano ku ta of a kaba studia den desishonnan ku nan ta tuma pa Boneiru. Esaki sigur ta importante pa motibu ku kada desishon ku wordu tuma awe, tin konsekuensha riba hobennan mayan.

– Pa bira parti di e komishon di Koninkrijksrelaties pa hobennan mes informa Tweede Kamer kon bon i kon malu kos ta bai riba Boneiru i kiko lo ta e posibel solushonnan. Ta hopi importante pa Den Haag tende direct di hobennan i no di politiko nan kon kos nan ta kanando.

Share This
error: Content is protected !!