KRALENDIJK –

Djárason mainta a bati alarma ku lo tin kandela na hospital. Despues di un inspekshon ku kuerpo di bombero a hasi a resultá ku no tabatin kandela, pero un problema tékniko. Seguidamente e servisio tékniko di Mariadal a remediá e problema.

 

A resultá ku e tuberia di friamentu ku awa friu pa tratamentu di aire den sala di operashon 1 tabata lèk. Pa e motibu akí mesora a sera e sistema. Inmediatamente a remediá e molèster di awa komo konsekuensia di e lèkmentu tambe. Pa motibu ku e sirkuito di friamentu ku awa friu tabata será, un elemento di kalefakshon a kuminsá funshoná riba su máksimo potensia, loke a kousa un holó di kimamentu. Despues e servisio tékniko di hospital a repará e defekto eksitosamente.

 

Pa e operashonnan ku tabata planiá a hasi uso di sala di operashon 2. E interupshon no tabatin konsekuensia pa dunamentu di servisio na pashèntnan i klientenan i no tabata forma un menasa direkto òf indirekto pa pashèntnan i klientenan.

Share This
error: Content is protected !!