SHOFÙR INVOLUKRÁ DEN AKSIDENTE TA HAÑA BUT
Riba djárason 24 di yüni, alrededor di 12.15 or di mèrdia un aksidente entre dos outo a tuma lugá riba krusada di Kaya Kanari i Kaya Pos di Amor. Personal di ambulans a atendé ku shofùr di un di e outonan na e sitio mes. Shofùr di e otro outo a haña prosèsferbal komo ku e no por a mustra un reibeweis bálido ni tampoko e tabatin dokumentunan di segurobálido.

PROHIBISHON PA MANEHÁ DESPUES DI BRINGAMENTU
Alrededor di 3.45 or di mardugá riba djaweps 24 di yüni, sentral di polis a risibí notifikashon tokante un kaso di bringamentu na un kas situá na Kaminda Nieuw Amsterdam. Na yegada di patruya e okashonado di e problema a bai kaba. Algu despues a topa kuné den su outo riba Kaya Mewchi. E tabata probablemente bou di influensia di alkohòl i a hasi un ‘blaastest’kuné. Despues di e resultado haltu di e ‘blaastest’, a bai kuné warda pa hasi un análisis di rosea. Ela haña un prohibishon pa manehá te e siguiente dia.

KÒNTEINER KU BÒTER DI GAS TA KÈNTEL
Riba djárason 23 di yüni, alrededor di 8.45 or di anochi, sentral di polis a risibí notifikashon ku un kònteiner ku bòter di gas, ku gas propano komo kontenido, a kèntel riba pir di sùit. Durante esaki un nubia di e gas propano a bini liber. Brantwer a sera tur restorant situá riba Kaya C.E.B. Hellmund den besindario di e pir di sùit. KMar i KPCN a sera e kaya entre C.E.B. Hellmund i J.A. Abraham i esun entre C.E.B. Hellmund i Plaza Wilhelmina. Representantenan di inspekshon di labor, ofisina di haf,Don Andres i Curoil tambe tabata presente. Curoil a  rekurí na su tim di kalamidat pa sigui atendé e kaso.

KIEBRO DEN NEGOSHI
Entre 6.30 or di mainta i 12 or di mèrdia riba djárason 23 di yüni, deskonosínan a bai ku entre otro un generator oraño, un motor di boto di marka Yamaha i tres baiskel di marka Gazelle (un pretu, un bèrdè i un shinishi) for di un sitio di traha situá na Hanchi Amboina. E artíkulonan tabata den un karavana di kua a forsa e porta pa por a drenta. Ta investigando e kaso.

KASHI DI KORIENTE NA KANDELA

Den oranan di mainta, alrededor di 8.15 or riba djárason 23 di yüni, sentral di polis a risibí notifikashon tokante un kashi di kandela situá na Kaya Diamanta ku tabata na kandela. Brantwer a paga e kandela. Representantenan di WEB tambe a akudí na e sitio pa chek un ke otro. No tabatin herido.

Share This
error: Content is protected !!