BOLETIN SPESIAL Nr. 1
SERVISIO METEOROLÓGIKO KÒRSOU

DJASABRA, 26 DI YÜNI 2021, 11:50 O.L.

UN MENSAHE DI PREKOUSHON (KÓDIGO HEL) TA NA VIGOR PA KALOR EKSESIVO PA
KÒRSOU.

******ANÁLISIS DI PRONÓSTIKO TA INDIKÁ POSIBILIDAT DI KALOR
EKSESIVO NA KÒRSOU******

E KONDISHONNAN AKI LO DURA FOR DI DJASABRA, 26 DI YÜNI 2021, 12:00 O.L. TE
DJASABRA, 26 DI YÜNI 2021, 17:00 O.L.

IMPAKTO ANTISIPÁ:
“Zonnesteek,” kansansio i kram ta posibel dor di
e kayente;
Malesa dor di e kayente ta posibel si ekstendé aktividat físiko den
kayente òf keda den kalor pa tempu largu.

MEDIDA DI PREKOUSHON:
Si bo ta hasi kualke aktividat pafó, bebe hopi
awa i evitá di mas esfuerso;
Si bo no ta sinti bu bon, deskansá den fresku mas pronto posibel.

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia
general òf preokupashon den pueblo (ku ta rekerí atenshon i akshon di
outoridatnan di brantwer i polis) i ku no por ser deskribí na un manera adekuá
den un pronóstiko di tempu regular.

Un Mensahe di Prekoushon pa Kalor Eksesivo ta un anunsio pa ora ku kalor
eksesivo ta posibel (probabilidat di 10 pa 30%) denter di próksimo 8 pa 24
oranan.

E frase ku ta kuminsá ku E KONDISHONNAN AKI LO DURA FOR ta duna un
aproksimashon di e periodo di durashon di e kondishonnan di peliger.

KEDA PENDIENTE PA MAS INFORMASHON.

E siguiente boletin lo wòrdu
emití djasabra, 26 di yüni 2021, 16:50 o.l.

Share This
error: Content is protected !!