KRALENDIJK–E fèlt pa praktiká I hunga Beach Rugby na Sorobon ta kla. Esaki danki na e famia I kompania Don Andres ku a koperá ku e federashon ku e kabuya nesesario ku tabatin mester pa esaki.T’asina ku e federashon di Rugby Boneiru ku tur su bon intenshon nan pa introdusí i lanta e deporte di Rugby aki na Boneiru, despues di a lanta e federashon pa e deporte aki, ta trahando duru pa lanta e deporteaki, pone esakiriba pia pa mas den fin di e añaaki, tratanabiaha pa isla ruman Kòrsou ku un selekshon pa represent nos isla den torneo internashonal di Rugby aya na Kòrsou.Despues di a tene un promé enkuentro ku klínika I promé entrenamentu na Fèlt Elion Flores na Amboina, loke tabata un gran éksito i bon bishitá, e federashon ta sigui ku éksito. Fin di siman pasá, e federashon huntu ku esnan ku ta kere den e deporte aki, a bai Sorobon pa limpia i buta kabuya rondo di e kancha ku lo bira e fèlt pa Beach Rugby na Sorobon, esaki danki na gerensha di Don Andres ku a koperá ku kabuya ku por a krea e promé kancha pa Beach Rugby aki na Sorobon Boneiru.
Di parti e federashon di Rugby Boneiru, nan ta sumamente kontentu ku e koperashon ku nan ta hañando pa ku e deporte, spesialmente Don Andres i tambe boso sirbidor Ibi Piar, ku ta dunando su aporte pa logra kuminsá ku e deporte aki riba nos isla. Despues ku a krea e promé kancha pa Beach Rugby, treinen lo sigui tantu djadumingu atardi na Felt Elion Flores na Amboina I tambe na Sorobon, esaki despues di kaba atendé ku e timnan.
Ku otro palabra, Boneiru su deporte ta desaroyando, ku e deporte di Rugby nos isla ta dal un paso mas dilanti pa ku deporte.
Keda pendiente ya ku tin mas na kaminda.
Riba potrèt nan algun bista di e trabounan pa e kacha di Beach Rugby na Sorobon ku ta kla pa por kuminsá trein ariba.

Share This
error: Content is protected !!