KRALENDIJK- Boneiru ta bai kompetí ku motosaikel na Sint Maarten.
E siman aki 6 motosaikel di Bonaire a sali pa bai Sint Maarten, pa kompetí den e ‘Caribbean Motorsport Summerfest Sint Maarten’ (CAMOSUFE), organisá pa St. Maarten Automotive Federation.
Pa promé bia den historia ta organisá un aktividat asina grandi. Ta trata di 6 isla ku ta bai topa otro den; kompetensia di fever i triki ku outo i motosaikel, pustamentu ku outo i motosaikel i kompetensia di seadoo. E aktividatnan ta tuma lugá na Sint Maarten awor i e plan ta pa organisá na otro islanan den Karibe aña binidero e mes un aktividat. Di Bonaire ta bai 6 partisipante ku motosaikel. Nan ta repartí den e siguiente kategorianan. Pa Fever: Rainick Thode, Selison Celestijn, Diandro Zimmerman, Jean-Carl Kalvino, Raygen Reyes. Pa pustamentu ku motosaikel ta bai Fittipaldi Pietersz. E kompetensia di fever i kenshi ta tuma lugá e wikènt di 9 pa 12 di yüli. Pa loke ta trata e parti di dragrace (pustamentu) ta e wikènt di 16 pa 18 di yüli. E tim di Boneiru ta gradisí tur ku a koperá, for di e aktividatnan na APEM, pa yuda ku parti di e gastunan. Danki spesial pa Don Andres i Silfam Cargo pa e parti di transporte. Ta bai hasi tur posibel pa duna mihó resultado posibel, sakando kara di Boneiru.

Share This
error: Content is protected !!