Den e reunion general ku Konseho di Bònt di Unkobon a tene den luna di yüni último, a keda aprobá algun kambio den personal di Unkobon.

Señor Wietze Koopman ta baha komo presidente di Konseho di Bònt i señor Quintin Knuf lo bai okupá e puesto di presidente di Konseho di Bònt. Konseho di Bònt ta e órgano ku ta representá e miembresia di Unkobon i ta determiná entre otro e rumbo stratégiko di Unkobon.

Señor Eric Booi, den luna di mart último a baha komo presidente di direktiva di Unkobon i señor Wietze Koopman lo ta su susesor temporal.

Tur funshon den Unkobon ta wòrdu ehersé pa boluntarionan. Si bo tambe ta deseá di kontribuí na bienestar i interes di konsumidónan di Boneiru, bo por mèldu bo mes na secretariaat@unkobon.org.

Share This
error: Content is protected !!