1 july ta konmemora den e islanan Antiano kolonisa pa Hulanda “dia di emansipashon o dia di liberashon for di sklabitud” ku a wordu deklara pa dekreto di gobierno Hulandes na 1863. Mester menshona mesora ku mesun gobiernu Hulandes na mes momentu a dekreta otro ley ku nos antepasadonan esklavisa no mag bandona e plantashi di nan donjo pa e proximo dies 10 anja. E akto simboliko mas remarkabel ta e hecho ku esnan esklavisa, konosi komo katibu, despues di 1 juli 1863 a bira “obrero” di nan mes un donjo ku tambe a kambia simbolikamente di nomber a bira “donjo di trabao”. E rekompensa o pago pa trabao pa basta largu tempu a keda meskos, ku ta kuminda, awor den forma di bon ku e “obrero” por a kambia pa kuminda den “tienda” di e donjo o dunado di trabao. Aki a start un transformashon mental di kita e kadena for di pia I man I garganta I pone riba e mente, e parti mental, dor di habri porta di plantashi bisa e obrero o ex-katibu ku e ta liber pero pa lei e no por bandona e plantashi pa no stroba ekonomia.

Awe kasi 160 anja despues ketu bai nos por mira evidensia di e manipulashon kolonial Hulandes riba e parti di sklabitud tumando komo ehempel e asina yama “kasnan di katibu” situa na Salinja, meskos ta manipulashon ku ta loke ta wordu deskribi na e sitio, kaminda Hulanda ku no kier a aboli sklabitud, ta traha e kasitanan aki pa alarga sklabitud pa algun dekada mas. Awor esakinan ta wordu propopaga komo atrakshon turistiko pa nos gobierno I gobernantenan inosente kontrario di e historia ku ta tras di e kasitanan aki ku ta “ evidensia di e krimen kontra humanidat o holocausto di sklabitud Hulandes” En korto, e kasita-nan aki, a wordu traha te na final di sklabitud na 1850 den preparashon pa abolishon , pues mas ku 200 anja, dos siglo,  despues di kontinou , sklabitud horososo I kruel den kolonia Hulandes Bonaire. Kaminda esnan esklavisa ku tabata problematiko o rebelde den otro kolonianan pa medio di kondena I kastigo mester a traha den salinja di salu,bao di kondishonan inhumano I eventualmente kaba o termina nan kastigo I bida aki. Hulanda pa propaganda pa despista e akto inhumano aki a traha a kasitanan aki pa kamufla I purba kambia e historia hororoso aki pa parse ku “nan katibunan” tabata tin bon bida I tabata biba den kasnan aki, ku ni por drenta ni sinta te pa drumi aden konsiderando e grandura. Gobierno Hulandes a sigui te awe ku e manipulashon aki, pa tene inkonsiente e desedientenan, nos komo Boneriano I Antianonan I nan mes pueblo Hulandes I mundu, te awe no ke rekonose I deskulpa pa esaki, I ta keda purba, sea romantisa o tene skondi nan pasado, ku ta keda graba na mundu , komo, “ e kolonisado di mas kruel di historia di mundu”

Nos Ke Boneiru Bek ta tuma e inisiativa I ta apela na gobierno di Boneiru pa permiti nos pone un plaka o monumento na e “luga sagrado” aki pa konmemora nos antepadasadonan esklavisa nan legado, nan berdat di e sufrimentu, opreshon, abuso, krimen na man di e kolonisado di mas kruel di historia di mundu.

 

Share This
error: Content is protected !!