KRALENDIJK– Notisia live 99 fm ta dispone di e informashon ku entrante awe Miles Mercera a keda nombra komo e direktor interino ku ta bai maneha e ofisina di turismo di Boneiru.
Sr Mercera a yega di traha kaba na Tourism Corporation Bonaire na anja 2010 pa 2011.
Despues di esey ela bai establese su mes na Korsou.
Na Korsou for di 2011 ela traha na Chata.
Na 2017 ela bira presidente i Ceo di chata i ela funshona komo tal te dia ku e mes a tuma su retiro pa drenta politika na Korsou.
Awor e oportunidat a presenta pa Miles Mercera un hoben Boneriano bon studia bin dirigi e ofisina di turismo di Boneiru.
BHM tabata instrumental pa a logra trese Miles Mercera Boneiru ku bendishon di e gobiernu aktual.

Miles Mercera bon bini bek na Boneiru i nos sa sigur ku bo lo hasi tremendo trabou pa bo isla natal.

FUENTE: LIVE 99 FM

NOTISIA KU BO POR KONFIA

Share This
error: Content is protected !!