Pronóstiko di tempu pa Kòrsou i bisindario bálido te djabièrnè mainta 06:00 o.l., 02 di yüli 2021.
Kompilá: djaweps 1 di yüli 2021, 05:00 o.l. (09:00 UTC).

Tempu: Parsialmente te hopi nublá ku chèns pa algun áwaseru lokal.

Temperatura máksimo lo alkansá 32ºC i temperatura mínimo 27ºC.
Solo ta sali 06:15 i ta baha 19:04 o.l.

Bientu: Por lo general ost i moderá te basta fuerte; forsa 3 te 5 (11 te 39 km/ora, 7 te 21 nudo).

Situashon general: Durante di próksimo 24 ora un ola tropikal basta aktivo situá riba parti oriental di Karibe lo krusa nos region. E sistema aki lo pasa ku mayoria di su wer nort di nos islanan. Sin embargo, algun nubia por desaroyá i generá lokalmente algun áwaseru riba nos isla ku posibel welek i bos. Mas aleu, ta antisipá ku bientu lo bira suak te moderá den transkurso di awe.

Kondishon di laman: Moderá ku altura di olanan entre 1 i 1.5 meter (3 i 5 pia). Ta premirá ku durante i despues di pasashi di e ola tropikal, laman lo bira un bes mas un poko brutu na kosta nort i ost. Servisio Meteorológiko lo keda monitoreá e kondishon di laman, i den kaso ta nesesario emití boletinnan speshal riba esaki.

Sistemanan signifikante di wer tropikal: Depreshon Tropikal 5 a sigui desaroyá i bira Tormenta Tropikal Elsa durante oranan trempan di awe mainta. Tormenta Tropikal Elsa ta move den direkshon wèst nortwèst i lo pasa mas o ménos 460 km nort di islanan ABC durante di djasabra. Servisio Meteorológiko di Kòrsou lo sigui vigilá e sistema aki i lo emití boletinnan speshal den kaso ku esaki ta nesesario.

Fenómeno spesial: Ningun.

Perspektiva te djasabra mainta: Parsialmente te hopi nublá ku chèns pa algun áwaseru lokal.

Meteorólogo: Rombley.

E próksimo boletin di tempu lo wòrdu publiká djaweps 11:00 o.l (15:00 UTC).

Share This
error: Content is protected !!