Tourism Corporation Bonaire (TCB) ta apuntá Miles B.M. Mercera komo
Direktor, de inmediato. Mercera ta trese dekadanan di eksperensia den e industria global di hospitalidat i
turismo na su ròl nobo, dor di a dirigí programanan den e sektor privá i públiko, ku un enfoke riba strategia
di empresa, merkadeo i desaroyo di marka i destinashon.
“E ta un privilegio pa huntu ku partnernan di e industria kontinuá no solamente riba Boneiru su reputashon
komo un destinashon pristino, ekologiko i deseabel, pero tambe pa mehorá e imagen dor di mustra e
avansenan grandi ku nos isla tabata tin durante último añanan. Pa ofrese e diversidat kulinario, variedat di
akomodashon den gran eskala i e eksperensia elevá,” segun Mercera. “Ta un periodo eksitante den
turismo i huntu ku un tim dinamiko, mi ta antisipá ansiosamente e oprtunidatnan ku lo bini pa nos.”
Mas resien, Mercera tabata un profeshonal independiente di turismo via di su kompania di konsulta, el a
baha for di su puesto na Curaçao Hospitality and Tourism Association pa persigui un ròl den politiká. El a
traha kasi 10 aña den un organisashon den sektor privá, e último 4 añanan e tabatin e posishon di
Presidente i CEO. Durante su karera, Mercera tabata involví den varios proyekto pa e Ministerio di
desaroyo ekonomiko na Kòrsou, inkluyendo maneho di “Level Playing field committee”, ku e obhetivo pa
oumentá e kolekshon di impuesto di tur e provedornan di akomodashon, inkluyendo areglo ku Airbnb; un
ròl ku e komite di transishon di ‘Curaçao Tourism Board’ pa desaroyá un rapòrt di rekomendashon i
implementá e programa di transishon pa ‘Curaçao Tourism Authority’ i partisipashon den e komite di aereo
di Kòrsou, ku e meta pa subi servisio aereo pa e destinashon. Komo un vishonario, el a transformá tambe
ku éksito e asosiashon di hotel pa kumpli ku e ekspektativa di e era nobo dor di implementá i desaroyá
strategía nobo huntu ku e tim.
Mercera no ta deskonosí na Tourism Corporation Bonaire, komo ku el a traha 2 aña den e organisashon na
komienso di su karera komo ‘Online Marketing & Product Development Executive’ promé ku el a djòin e
asosiashon di hotel na Kòrsou komo ‘Marketing and Product advocate’.
“Mi ta ansioso di ta bèk na Boneiru, awor ku mas aña di a sirbi den e industria i ku mas komprenshon di
turismo den e region,” segun Mercera. “Mi obhetivo ta pa uza mi eksperensia pa posishoná Boneiru na un
posishon di kresementu dor di kapitalisá riba e oportunidat pa nos move den un era nobo den turismo.”
Nasé na Hulanda, pero lantá na e islanan ABC den Karibe Hulandes, Mercera tin su ‘Associate degree’ den
‘hotel management’ di Aruba, su Bachelor den ‘International Hospitality and Tourism Management’ di
‘University of Curaçao’, i Master den ‘Consultancy and Entrepreneurship’ di ‘Rotterdam Business School’.

Share This
error: Content is protected !!