ANÁLISIS DI PRONÓSTIKO TA INDIKÁ DESAROYO DI KONDISHONNAN DI LAMAN BRUTU KU POR MENASÁ PARTINAN DI KOSTA DI KÒRSOU***

E KONDISHONNAN AKI LO DURA FOR DI DJASABRA, 3 DI YÜLI 2021, 00:00 O.L. TE DJASABRA, 3 DI YÜLI 2021, 17:00 O.L.

IMPAKTO ANTISIPÁ:
Resake i/òf bientu fuerte lo kousa laman brutu na kosta;
Ola haltu lo kousa daño na boto chikí, si esakinan keda na tera kantu di awa;
Inundashon di kosta lo kousa daño na fasilidatnan na playa.

MEDIDA DI PREKOUSHON:
Ta konsehá usuario di boto chikí pa no nabegá den e kondishonnan aki;
Debí ku inundashon ta probabel den sierto área kantu di kosta, ta urgi doño di fasilidatnan na kosta pa protehá nan propiedat, kaminda ku esaki ta posibel.
Ta konsehá hende ku ta landa pa keda na kantu.

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Vigilansia pa Laman Brutu ta un anunsio pa ora ku laman brutu ta posibel (probabilidat di 30 pa 50%) denter di próksimo 3 pa 12 oranan.

E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.

Share This
error: Content is protected !!