Den un seremonia Militar kòrtiku Compangnie in de West Rotashon 36 a pasa su tareanan over na e siguiente unidat, rotashon 37. Pa medio di e traspaso di tareanan tradishonal, e Komandante nobo Kapitan Herman a hasi transferensha ku su predesesor Kapitan Joost. Rotashon 37 tambe ta keda kuater luna den Region Karibe. Compagnie in de West (CidW) ta un unidat permanente di Forsanan Real (Koninklijke Landmacht) den Region Karibe, ku por wòrdu ubiká den un variedat di tarea.

E unidat ku ta bai, durante e ultimo lunanan, ademas di trein, tambe a desplegá un kantidat di apoyo na outoridatnan lokal. Pensa aki riba yuda instalá e kaya di bakunashon na Base di Marina na Parera, kaminda mas o menos 10.000 persona a risibi nan bakunashon, pero tambe pa sosten na Kuerpo Polisial di Korsou (KPC) den mantenshon di medidanan di COVID. E sosten na outoridatnan sivil ta un di e tareanan primordial di Defensa den Region Karibe. Kapitan Herman: “Nos ta antisipá e kolaborashon entre Defensa den region Karibe i e diferente organisashonnan di Gobièrnu di e islanan/paisnan. Tambe pa e periodo di orkan e CidW nobo, huntu ku diferente otro unidatnan di Marina Real ta para klá, i lo bai un region si einan un orkan a pasa i tin nesesidat di yudansa einan, semper i na momentu ku ta riba petishon di outoridatnan lokal.”.

CidW 37 ta prosedente di e ‘13 Infanteriebataljon Regiment Stoottroepen Prins Bernard (RSPB)’-Regimento Batayon di Infanteria, trupanan di Asalto, un unidat di 11 Brigada Aeromóbil. E trupa aki, Alpha “Madju” compagnie no ta unu deskonosí den region. Na 2019 e tabatin tambe e tarea di ‘CLAS-compagnie’ den Region Karibe. Ta e intenshon ku nan lo trein durante e siguiente 4 lunanan na tantu Aruba, Bonaire komo na Kòrsou. Ambos unidat ta prosedente di Assen i konose otro di e kazèrne einan.

 

Share This
error: Content is protected !!