KRALENDIJK — Awe for di ora nan di mainta tin un kontrol basta pisa ku tabata tumando luga na un supermerkado na Hato. E kontrol nan tabata basa riba ondermijning, kontrol riba papel nan di belasting i asta kontrol riba persona nan ku ta labora na e supermerkado aki. Douane tambe tabata tei pa kontrola e aspekto di accijns. Ne momentu nan aki no tin mas informashon tokante e kaso aki spesifiko si a hanja algu fuera di lei. Bosero di polis Miluska Hansen a duna di konose ku nan lo bai bishita diferente instansia nan pa tipo di kontrol nan asina aki. Awor ku nan tin e tim multidisiplinario kompletu nan lo bai sigui kontrola diferente instansia i a bisa ku ta kontrola tur tipo di instansia kon chiki ku e por ta te na esun mas grandi. E tim multidisiplinario aki ku ta karga e nomber RIEC ta para pa Regionale Informatie en Expertise Centrum. Nan ta un tim multidisiplinario ku ta bini huntu pa kontrola tur aspekto segun lei di un negoshi. Miluska a bisa tambe ku e tim aki ta hopi bon, mirando ku sierto instansia nan tin limitashon na akseso di un kompania, pero ku e tim aki eta bira mas fasil pa yega na akseso di tur aspekto den un kompania i of instansia.
Durante e kontrol awe mainta a interoga algun di e trahado nan tambe ku tabata presente. RIEC a tene e supermerkado pa algun ora sera, pa asina por hasi nan investigashon nesesario.

FUENTE: LIVE 99 FM

Share This
error: Content is protected !!