Kralendijk,- E grupo di baile ACE Squad ta buskanando miembronan nobo pa forma parti di nan grupo di baile. ACE Squad lo bai tin un oudishon di baile djasabra awor, dia 8 di yuli na Kolegio Kristu Bon Wardador Nikiboko for di 9or di mainta te 12or merdia. Riba e mainta aki e grupo di ACE Squad lo kuminsa ku un warm-up i kaba nan lo siña esnan ku bin e oudishon un koreografia chiki pa wak e kapasidat di kada hoben. Via di esaki nan lo evalua kua hoben lo por forma parti di e grupo. ACE Squad a hasi nan debut na e prestigioso sertamen di Miss Tourism Bonaire, mirando e interes nan ke bai amplia nan konstelashon ku algun baliado mas. E hobennan a ekspresa di ta hopi kontentu i gradesido pa e bon palabranan di motivashon ku nan a risibi. Esaki a pone ku nan ke duna mas hoben ku ta amante di baile e chens pa por join ACE Squad. Pa por partisipa na e oudishon bo mester: 1. Por balia 2. Gusta balia 3. Tin gana di presenta dilanti publiko i kamara 4. Tin un bon disciplina. 5. Ta spera ku lo bo ta kompromete ku e grupo. Aparte di baila ACE Squad lo por hasi aktuashon i musika tambe, pues bo mester ta habri pa por partisipa den mas aktividat artistiko. Un invitashon ta bai na tur hoben entre 12 pa 20 aña pa partisipa na e oudishon ku lo tuma luga dia 10 di yuli for di 9or di mainte te 12or di merdia. E oudishon ta tuma luga na Kolegio Kristu Bon Wardador na Nikiboko. Ta importante pa bo inskribi via di nos facebook page ”ace squad” of tambe por manda un mail na acesquad.bq@gmail.com i pidi pa e link pa asina bo por inskribí. Pa mas informashon por jama Direktor Artistiko di e grupo Lilimar Valencia na +5999 6658177.

Share This
error: Content is protected !!