DIFERENTE BUT
Den e dianan tras di lomba polis a duna diferente but pa violashon di e ordenansa di tráfiko. Entre otro, shofùrnan tabata hasi uso di aparato mobil i alkohòl den tráfiko. Tambe pa no bisti faha di seguridat a duna but. Polis lo sigui tene kontròl preventivo den e periodo benidero. Ademas, ta di sumo importansia pa kada usuario di karetera den tráfiko kumpli ku e reglanan stipulá den e ordenansa.

LADRONISIA NA SITIONAN DI BUSEO
Tin vários notifikashon a drenta di ladronisia for di outo na sitionan di buseo i turístiko manera Tolo, toeristenweg, Andrea 1, 1000 steps, Oil slick leap i EEG Boulevard. A bai ku vários artíkulo for di outo, na bich i for di baki di ekipahe di un gòlf kar.

Investigashon riba e kasonan aki ta andando. Ta di sumo importansia pa vigilá propiedatnan na tur momentu i spesialmente na sitionan di buseo. Polis ta konsehá pa laga artíkulonan di balor mas tantu posibel na kas i no hiba esakinan na e sitionan di buseo.

DETENSHON DESPUES DI INSULTO
Djamars 6 di yüli alrededor di 9or di mainta a detené e hòmber H.A.Julian di 50 aña di edat en konekshon ku menasa i insulto.

VÁRIOS AKSIDENTE KU HERIDO
Riba djadumingu alrededor di 8or a drenta notifikashon di un aksidente ku herido na altura di stadion riba Kaya Internashonal. Tabatin dos herido, di kua un persona tabata keha di doló den pechu i e otro di un kòrtá na su kabes.

Riba djadumingu 4 di yüli alrededor di 6:45or di anochi a drenta notifikashon di un outo ku a bòltu na altura di kaminda Onima. Na yegada di polis a bin sali na kla ku e shofùr a hasi uso di alkohòl. E shofùr a splika el a purba desviá pa un kabritu.

Riba mardugá di 3 pa 4 di y;uli alrededor di 3or a drenta un notifikashon di un aksidente ku herido na altura di Kaya Korona. A sali na kla ku tantu e shofùr komo pasahero tabata fuma. Un takel wagen a bai ku e vehíkulo. Mirando ku un di e hòmbernan no tabatin ID òf pasport a bai warda di polis kuné. Despues di investigashon a sali na kla ku ta trata di estadia ilegal i a pasa e persona pa JICN pendiente di su deportashon.

Share This
error: Content is protected !!