TIN 3 PERSONA HERIDA TAMBE.

Algu despues di 8or di anochi melding a drenta na warda di polis ku lo mester tin un aksidente di trafiko basta pisa a kaba tuma luga ma e salida di kaya Macario St Jago.
Tres vehikulo ta envolvi den e aksidente aki i tin persona herida pega den auto.
Polis i ambulance a jega mesora na e sitio.
Ora ku a tuma nota di e situashon a pidi asistensia tambe di kuerpo di bombero.
A manda e rescuewagen pa juda korta un di e vehikulo nan pa por saka e shofur for di den dje.
Ta investigando e kousa eksakto di e aksidente.
Por a nota ku shofur di e jeep i su pasahero ta basta kansa probablemente nan ta bou di influensha di alkohol.
Polis ta atendiendo ku nan.
E danjo material na e vehikulo nan ta bastante i tambe un di e vehikulo nan ku ta un SUV a bai dal den un kura di kas.
1 di e heridonan sigur ta di atenshon pasobra ela sufri basta sla na su kurpa dor di e impakto di e aksidente.
Investigashon na e sitio di aksidente ta andando.

FUENTE: LIVE 99 FM.

 

.

Share This
error: Content is protected !!