Awe nochi den kareda di 7:55 pm a tuma luga un aksidente di trafiko entre 4 vehikulo.
Esaki a sosode net pabou di aeropuerto flamingo na altura di donkey beach.
1 pikup a bai dal den un auto di famia i e tire dilanti a kita bai for di e pikup esaki a pone ku e shofur a perde kontrol kore den skual baha kaminda bai dal den dos otro vehikulo ku tabata stashona kantu di kaminda na altura di donkey beach.
E impakto tabata fuerte i danjo material konsiderabel.
Polis i ambulance a yega mesora.
1 dama a resulta herida den e aksidente i a wordu transporta ku ambulance pa hospital su situashon ta stabiel.
E kaya na altura di donkey beach pa bai belnem, kaminda e aksidente a tuma lugar a keda sera sigur pa mas ku 1 ora pa hasi investigashon riba e kousa eksakto di kon e aksidente a tuma lugar.
A hasi un blaastest ku e shofur di e pikup pero e ta ok i e no tabata bou di influensha di alkohol.
Velosidat haltu a hunga un rol sigur pa ku e aksidente aki.

FUENTE: LIVE 99 FM.

 

Share This
error: Content is protected !!