Gustosamente nos ta partisipá na bo ku nos ta suavisá nos medidanan di COVID. Nos ta adaptá nos maneho di entrada i nos areglonan di bishitante. E medidanan ku nos a suavisá ta lo siguiente:

 

Maneho di entrada

  • Na entrada ta hasi pregunta tokante keho i biahenan resien pa eksterior.
  • Bistimentu di un tapaboka ta bira opshonal pa pashènt sin keho.
  • Pa pashènt di poli ku tin keho sí e obligashon pa bisti tapaboka ta keda na vigor. Den kaso ku e pashènt mes no tin un tapaboka, nos personal ta ofres’é unu.
  • Ta supliká bishitantenan ku tin keho pa bini bèk ora nan no tin keho mas.
  • Bishitante pa Kas di Kuido, Sentebibu i Special Care sí tin ku bisti un tapaboka ora tin kontakto dentro di 1,5 meter. Esaki no tin mester di ta un tapaboka médiko.

 

Kas di Kuido

  • Ta suavisá e areglo pa bishitante i e ta bira di 10:30 – 20:00. Maksimalmente 2 bishitante pa kada habitante.
  • Un súplika urgente pa bishitá maksimalmente 1 habitante kada biaha.
  • Por kuminsá atrobe ku salimentu pa un dia ku òf sin pasa anochi i tambe ku salimentu pa un wikènt.
  • Por kuminsá ku aktividat durante dia.
  • Ta supliká bishitantenan ku tin keho pa bini bèk ora nan kehonan pasa.

 

Areglo pa bishitante di Sentebibu i Special Care

  • A suavisá esaki i el a bira 2 momentu di bishita pa dia i maksimalmente 2 bishitante kada biaha.
  • Orario di bishita di Special Care a bira 12:00 – 13:00 or i 18:00 – 19:00 or.
  • Orario di bishita di Sentebibu a bira 11:30 – 13:00 or i 18:30 – 20:00 or.

 

Share This
error: Content is protected !!