KRALENDIJK — Awe tardi a tuma luga un kandela na un kunuku na kaminda di bai washington park. Na yegada di bombero nan a bin tuma nota ku e kunuku tabata tin kandela ku tabata eskala rapido debi na yerba nan seku. Tabata tin un hòmber di mas ku 90 aña di edad para mei mei den e kandela aki i no por a hasi masha. Mesora kuerpo di bombero a kuminsa paga kandela pa yega mas serka di e hòmber aki i pa segura ku eta sano i salvo. Polis, brandweer i ambulans tabata na e sitio. Ambulans a presenta pa asina hasi un chekeo mediko mirando ku e hòmber tabata para mei mei di huma i kandela, pero su situashon a keda stabil.
Motibu di e kandela aki ta ku e hòmber tin kustumber di kima algun palu i yerba na kunuku pero e biaha aki algu a bai robes i a resulta na e kandela basta grandi aki ku a eskalá rapido. Danki na kuerpo di bombero ku a asisti e hòmber aki rapido i domina e kandela.

FUENTE: LIVE 99 FM

 

Share This
error: Content is protected !!