Nos ta sumamente kontentu di anunsiá ku riba djaweps 8 di yüli
Sentro Kultural Mangazina di Rei a risibí akreditashon mediante dos strea di e sertifikashon di
Blue Destination.
Pa risibí akreditashon pa medio di e sertifikashon di Blue Destination, Mangazina di Rei mester
a adaptá nan organisashon i hasié unu mas sostenibel. Durante e periodo di Covid-19
Mangazina di Rei a tuma nan tempu pa implementá tur e proseduranan i métodonan ku ta
rekerí pa kumpli ku e kriterianan stipulá. Danilo Christiaan i Izain Mercera di Mangazina di Rei ta
sumamente kontentu ku nan sertifikashon i awor lo bai sigui traha duru pa e di tres strea.
Direktor di Tourism Corporation Bonaire, Miles Mercera, Direktor di Kamara di Komersio,
Cherethy Kirindongo i tambe Diputado di Kultura i Enseñansa señora Nina den Heyer tabata
presente pa duna un palabra di felisitashon i motivashon na Mangazina di Rei durante e evento.
Danilo Christiaan, direktor di Mangazina di Rei a risibí e sertifikashon for di man di diputado
Nina den Heyer.
Señora den Heyer a bisa: ‘Mi ta felisitá Mangazina di Rei, sigur mirando ku ta e promé
organisashon kultural ku ta logra e sertifikado aki. Mangazina di Rei ta nos ehèmpel den e área
kultural di nos isla i mi ta konvensí ku e di tres strea tambe ta bini unbes!’
Bishitá www.bluedestination.com pa e rapòrt di Mangazina di Rei i tambe pa haña tur
informashon tokante sertifikashon di Blue Destination. Manda un email pa
project@kvkbonaire.com pa registrá bo organisashon òf kompania.

Share This
error: Content is protected !!