KRALENDIJK — Awe tardi mas o menos 2or nos grandi nan di kas di kuido a sali i dal un trip despues di mas ku 1 aña sin por hasi esaki. Tur esaki tabata debí na e pandemia di korona. Durante e periodo aki e habitante nan no por a sali pa asina protehá nan mes mas tantu posibel dor di e virus. Awe tabata un alivio pa nan na momentu ku nan por a sali i dal un ronchi den kaya despues di mas ku 1 aña. Nan tabata hopi felis, i naturalmente e zuster i broeder nan tambe tabata kontentu ku por a sali keiru ku e grandi nan awe. Nan a bai dal un eiskrim tambe na Luciano ku a wordu di trit dor di bedazzle adalis i despues sigui ku nan paseo.
Nos ta spera ku nan lo por tin mas di e momentu nan plasentero aki huntu mirando ku nan tabata tin hopi tempu sera paden.

FUENTE: LIVE 99 FM

Share This
error: Content is protected !!