KRALENDIJK — Ultimamente tin diferente doñonan di boto ta reklamando e echo ku e slipway banda di marriot ta baiendo atras dia pa dia i ta pidiendo yudansa basta ratu kaba di gobièrnu. Ta asina ku dibaina tin slipway den bon estado aki na Boneiru i esaki ta baiendo atras mirando ku tin diferente auto ta keda pega dor ku e tera ta muha untiki i kasi e outo tin ku baha den awa pa logra ranka e boto nan pa saka afo. Esaki ta un peliger mirando ku si algu bai robes, anto e ora ei definitivamente notin niun otro slipway kaminda nan por saka i baha boto seif. Tin diferente otro slipway den area di playa pero nan ta muchu stijl i ta peligroso pa hasi uso di esaki nan, mirando ku un fayo chiki e outo por bai resulta den laman huntu ku e boto su tras. Doñonan di boto ta pidi pa tuma konsiderashon pa inverti untiki den e slipway aki, mirando ku no tin otro slipway bon na Boneiru. Diferente persona a manda reklamo aden i pa drecha e slipway pero niun kontesta te awe. Tambe a kompronde di un doño di boto ku 3 biaha ela bora su tire di trailer na e slipway aki mirando ku tin un baranka net den laman ku bo no por mira bon i esaki a kousa daño varios biaha na su trailer.

 

FUENTE: LIVE 99 FM

default
default
default
default
default
Share This
error: Content is protected !!