Bo ta empresario i bo kompania tin problema ku pago pa motibu di e krísis di corona? E ora ei te ku 30 di sèptèmber 2021 ainda bo por pidi suspenshon spesial di pago òf prolongá esaki.Gabinete (demisionario) a disidí ku abo, si bo hasi uzo di e suspenshon spesial, tin ku paganuma entrante promé di òktober 2022,e belasting ku ainda mester paga.Bo ta haña pa esei 60 luna di tempu. Bo mester kumpli si entrante promédi òktober 2021 na tempu atrobe ku bo obligashon di pago nobo.

Entrante promédi òktober2021: kumpli ku obligashon di pago nobo

Tur belasting pa kua bo ta hasi aangifte riba òf despues di promé di òktober 2021, bo mester paga atrobe na tempu.

Anteriormente nos a informá ku entrante promé di yüli 2021 lo bo mester a bolbe kumpli ku bo obligashon di pago. Gabinete (demisionario) awor a disidí pa duna empresarionan mas tempu pa esaki.

Bo suspenshon spesial ta terminá promé ku promédi òktober2021, i bo no ta pidi prolongashon?

E ora ei promé ku promé di òktober 2021 bo mester hasi aangifte i paga na tempu atrobe.

For di final di bo suspenshon spesial bo no a paga tur belasting na tempu?

Hasi esaki e ora ei promé ku promédi òktober2021 ainda. Si esei no logra, pidi e ora ei mas pronto posibel prolongashon di bo suspenshon spesial.

Desde promédi òktober2022: paga sumanan habrí

Riba promé di òktober2022 bo ta kuminsá paga e sumanan habrí pa e belasting ku bo no a paga durante bo suspenshon spesial. Pa esaki ta duna bo tempu di promédi òktober2022 te promédi òktober2027. Bo ta paga nos e ora ei 60luna largu, kada luna un suma fiho. Si bo kier paga aselerá, e ora ei esei naturalmente ta posibel tambe.

Anteriormente nos a notifiká bo ku bo lo mester a paga e sumanan habrí akí di promédi òktober2021 te promédi òktober2024, den 36luna. Gabinete (demisionario) a disidí pa duna empresarionan mas tempu pa esaki.

Interes di kobransa

Si bo no paga un aanslag na tempu, normalmente bo mester paga 6% di interes di kobransa for di e momentu ku e término di pago a vense. Nos ta komprondé ku hopi empresario ainda lo tin e finansieramente difísil den e temporada benidero. P’esei a baha e tarifa di e interes di kobransa te ku 31 di desèmber2021na 0,0%.

E interes di kobransa despues ta bai gradualmente bèk na e nivel bieu. Riba promédi yanüari2022 ta stipulá e porsentahe di interes di kobransa na 2%, riba promédi yanüari2023 na 3% i riba promédi yanüari2024 na 6%.

E bahadanan temporal akí ta konta solamente pa debenan di belasting pa kua a duna suspenshon spesial.

Otro medidanan di belasting debí na corona

Aparte di e suspenshon spesial di pago nos a tuma mas medida ainda pa yuda empresa- i siudadanonan durante e krísis di corona. Hopi di nan ta ser prolongá, algun di nan no. Mas informashon bo por haña riba www.belastingdienst-cn.nl/

Share This
error: Content is protected !!