KRALENDIJK — Awe tardi redakshon di Live 99 fm a bai tira un bista kon ta baiendo ku trabou nan na Kaya Commerce mirando ku e kaya aki mester a wordu entrega kaba for di ayera. Por bisa ku nos a kombersa ku un trahado di BWM i ela splika nos ku debi ku un problema chiki ku tabata tin na planta esaki a stanka e trabou untiki, pero nos por a tuma nota ku ta djis un pida kaya falta awor aki na parti nort di Kaya Commerce. Pues praktikamente e Kaya aki tambe a hanja un facelift. E trahado di BWM a bisa nos ku pa e siman aki mes e kaya aki por ta asina leu pa por wordu entrega kompletamente kla. Bario di Rincon por ta kontentu ku un kaya mas ku a wordu asfalta. Ban spera ku otro kaya nan tambe ta hanja nan atenshon mirando ku awaseru a pone hopi buraku habri bek ront Boneiru.

 

FUENTE: LIVE 99 FM

Share This
error: Content is protected !!