KRALENDIJK — Awe mainta un piskado ku tabata den e area parti suit di Boneiru na alutura di Pink Beach a mira un kabuya ta drif bin ariba despues di unratu bai bek abou, despues bolbe bin bek ariba. Aki nan ela yama un otro piskado pa bin na e sitio anto e piskado aki a rekonose e kabuya komo esun ku Ulvick Pinedo ta uza pa tira anker.  Mesora ela mèldu polis, i despues di unratu Stinapa a yega ku su boto na e area aki. Nan a mara un boei oraño na e kabuya aki pa asina tene na bista pa kontinua ku e buskeda. Nan a bai na e boei ku a mara e kabuya di anker na dje . Stinapa aworaki ta bai traha un plan kon ta bai sigui ku e investigashon pa saka afo kiko lo por a sosode ku e piskado perdi. . Investigashonnan ta kontinua i ta andando ketu bai na e momentu nan aki na parti suit di Boneiru. Ban spera ku esaki ta un pista ku lo por kondusi na haña e piskado aki ku ta perdi for di 5 di yüli ultimo.

 

FUENTE: LIVE 99 FM

 

Share This
error: Content is protected !!