KRALENDIJK — Awe mainta nos a drenta ku e notisia ku a haña un kabuya paresido na e kabuya di anker di e piskado perdi. Mientras tantu por kofnirma ku ta e kabuya di e piskado Ulvick Pinedo. Esaki a keda rekonose dor di un kolega piskado di dje ku ta kore e boto Marjuel. E kolega piskado a bisa tambe ku a enkontra huntu ku e kabuya aki, un asina yama rosario ku tambe ta uza ora di piska i tambe un anzue pega na e kabuya. E la remarka tambe ku e ta haña e kos straño ku e rosario ta pega na e kabuya di anker. Ta algu ku no sa sosode normalmente, i esaki a lanta algun spekulashonnan. Tambe a piskado kolega a bisa ku e ta rekonose e kabuya i rosario aki 100% paso tur mainta e ta pasa serka e piskado di Ulvick Pinedo prome ku e bai laman, pues eta konfirma e echo ku e kabuya aki ta di Ulvick Pinedo su boto. Stinapa konhuntamente ku polis i otro departamentu nan ta sigui vigila i kontinua ku e investigashon relashona ku e piskado perdi aki.

FUENTE: LIVE 99 FM

 

Share This
error: Content is protected !!