Na mart i aprel nos tabatin e delaster pik grandi di kaso di hende ku a pega ku e vírùs na Boneiru.  Den e grafik bo por mira un bahada na aprel. Na mei i yüni tabatin masha tiki hende ku a tèst positivo. Awor aki i nos ta mira un oumento atrobe den e kantidat di kaso nobo di hende ku a pega ku e vírùs. Espesialmente  siman pasá.  Tur dia nos ta haña algun kaso di hende ku a pega ku e vírùs.

Den mayoria di kaso ta trata di  kontagio di habitante di Boneiru, ku algun klùster, esta grupo di kontagio, na trabou. Manera ta konosí awor nos tin e variante di dèlta di e vírus di corona na nos isla.

Algun di e hendenan ku a pega ku e variante di dèlta a biaha bai Hulanda òf Kòrsou  promé ku esei. Pero den mayoria di kaso ta trata habitantenan di Boneiru ku no a  biaha bai afó. Den e grupo di hende ku a tèst positivo, vários hende ta ful bakuná. Nos tabata sa kaba,  ku bakunashon no ta prevení semper ku un hende no ta pega ku e vírùs. E bakuna ta prevení sí ku un hende ku a pega ku e vírùs ta bira gravemente malu. Awor aki no tin pashènt ku tin COVID-19  na hospital. .

Te ainda tin hende ku ta bai bakuná.  Ochenta porshento di e grupo di enfoke di diesocho aña bai ariba a pasa mientrastantu un angua. I  sesentikuater porshento ta ful bakuná.  Esaki ta un bunita resultado, pero  ainda nos no ta kaminda nos mester ta. Binti porshento di hende di sesenta aña bai ariba ku a pasa e di promé angua, no a bai pasa e di dos ainda. Di e hendenan entre diesocho i trinta aña sinkuenta porshento no a pasa angua ainda.

En bista di e variante di dèlta ta masha importante pa mas hende pasa angua kontra corona. I ku hende ku a pasa un angua so, bai pasa e di dos.

Ta bon ku hóben di diesdos pa diesshete aña por pasa angua kontra corona. Kasi  binti porshento di e grupo akí a pasa un angua kaba.  Mayoria di biaha hóben ku pega ku e vírùs no ta bira gravemente malu pero nan por keda basta tempu despues  ku keho di salú sí. . Bakunashon di e hóbennan den e grupo di edat akí ta protehá nan i e  hendenan rònt di nan. Entrante otro siman Kompleho Deportivo Jorge Nicolaas ta habrí tur djasabra  pa hende ku no a pasa e di promé òf e di dos angua kontra corona ainda.  Otro siman ta posibel tambe pa hasi esaki riba djamars di 17:00 – 20:00 or. Pa mas informashon wak riba www. bonairecrisis.com

Nos no por evitá ku na Boneiru nos lo no tin atrobe pik chikitu di kaso di hende ku a pega ku e vírùs. Pero nos por sòru huntu pa ningun òf tiki hende bira gravemente malu, òf mester bai hospital i ku nos mester di medida mas pisá.  P’esei nos ta spera ku hopi hende, grandi i chikí ta bai pasa angua kontra corona.

Bo tin keho? Keda kas e ora ei i yama 0800 0800 pa un sita pa tèst.

 

 

 

 

Share This
error: Content is protected !!