A KONFISKÁ UN BRÒMFITS DURANTE KÒNTRÒL DI TRÁFIKO

Durante kòntròlnan rutinario riba djamars 20 di yüli, a duna prosèsferbal pa entre otro manehá sin reibeweis bálido, sin dokumentunan di seguro bálido. Sin hèlm bisti i sin plachi di number. Tambe a konfiská un bròmfits te ora ku e shofùr por mustra papelnan di seguro  reibeweis bálido.

Durante di kòntròl rutinario di un outo a pasa ofer pa un kòntròl den kuadro di Lei di Opio BES despues ku un holó fuerte tabata bin for di den e outo. A topa i konfiská un kantidat chikitu di yerba paresido na mariwana. E shofùr a haña un prosèsferbal pa violashon di Lei di Opio BES.

PROSÈSFERBAL PA KONTAMINASHON DI MEDIO AMBIENTE

Riba djaluna 19 di yüli sentral di polis a risibí notifikashon tokante un kandela na un kas den un mondi den besindario di Tra’i Montaña. Na yegada a resultá ku tabatin plèstik i probablemente produktonan kímiko na kandela. A duna e habitante un prosèsferbal pa kontaminashon di medio ambiente.

AKSIDENTE RIBA KAMINDA JATO BAKO
den oranan di atardi riba djaluna 19 di yüli un aksidente ku un ‘buggy’ a tuma lugá riba Kaminda Jato Bako. Ambulans a transportá e shofùr hospital pa tratamentu médiko. Kousa di e aksidente no ta konosí.

Share This
error: Content is protected !!