Dia 9 di yüni 2021 gobièrnu di Boneiru a sera un akuerdo ku SELIBON ku e meta pa krea kupo di trabou pa un periodo di 6 luna. E proyekto ta enserá ku personanan ku a keda sin entrada pa motibu di e pandemia di Covid-19 lo haña oportunidat di trabou temporal.

En total 15 persona ta enbolbí den e proyekto akí. E proyekto akí ta konsistí di un tim di kap mata i un tim di mantenshon di áreanan públiko.

E trabounan a kuminsá na Te Amo Bich i Bich Pal’i Mangel, konosí tambe komo Donkey Beach. Ya kaba por a kuminsá mira resultado di e diferente trabounan di limpiesa i manteshon na e bichnan públiko.

Selibon N.V. ta bai kuminsá ku un kampaña di separashon di shushi na bichnan públiko. Ta bai remplasá e kònteinernan blou ku tin aktualmente pa kònteiner bèrdè pa restu di shushi, kònteiner hel pa glas, oraño pa plèstik, kònteiner blou pa karton i e kònteinernan shinishi di heru ta keda pa karbon.

Tur esaki lo yuda redusí e riesgonan pa nos medio ambiente isalú di tantu nos poblashon komo turistanan i alabes ta promové higiena en generalita mehorá kalidat di nos bichnan.

Share This
error: Content is protected !!