E “Mindful Bario Program” – Programa Moveshon pa Bario a keda lansá na sentro di bario Nort’i Saliña. Mindful Bario Program ta e promé inisiativa sosial empresarial di Mindful Spirit Foundation (MSF). E programa ta enfoká riba e barionan tradishonal den un komindat Boneriano. Nos meta ta pa tur bario forma parti di e Mindful Bario Program. pa rekonstruí Boneiru komo un komunidat sólido. MSF ta kere ku kultura, kurason, identidat i historia di Boneiru ta biba spesialmente den e barionan
tradishonal. Segun Boneiru ta desaroyá, barionan tradishonal no ta forma parti den e desaroyo. E barionan aki ta kore e rísiko di keda bandoná. Pobresa, desempleo, desesperashon ta kome tur e ser di esun lagá atras, inkluso e habitantenan di e barionan. No por ta asina ku un parti di e isla ta krese i e otro parti ta sufri. Desaroyo na Boneiru mester ta pa tur su habitantenan i riba un base amplio. Kresementu di tur hende den komunidat ta esensial pa e éksito di un desaroyo duradero. No mester laga ningun hende keda atras. I lo repartí e benefisionan di e desaroyo na un manera hustu entre tur partido
ku ta partisipá. E meta di “Mindful Bario Program” ta pa segurá ku tur gremio di e komunidat boneriano por haña oportunidatnan ku presentá. E Programa ”Moveshon pa Bario” ta hasi máksimo esfuerso pa krea posibilidatnan struktural riba tereno sosial empresarial, guia ‘coaching’, programa di konsientisashon. dirigí riba e habitante di Boneiru. E proposito di e inisiativanan di MSF ta dirigí riba e vishon pa fortifiká e identidat úniko ku Boneiru tin komo un komunidat trankil ku personanan konsiente, kreativo i deportivo. Pa mas informashon, por konsultá e wèpsait https://www.mindfulspirit.nl ,òf tuma kontakto ku nos via di nos mail info@mindfulspirit.nl i sa mas di nos vishon i trabou. Huntu nos lo pone Boneiru riba mapa, komo un isla unikó I un ehèmpel na mundu.

Share This
error: Content is protected !!