KRALENDIJK — Desde siman pasa gezag a tuma e desishon pa nos pasa pa nivel di riesgo 1 bai 2. Esaki no a kai den bon tera sigur serka hopi hende, i sigur no serka e mundu di entertainment. Mesora Semii a bini ku e inisiativa pa kolekta firma di diferente musiko pa asina huntu ku esaki nan manda un karta skèrpi pa gezag pa splike e punto nan di prekupashon i tambe ku no tabata tin ningun espasio pa artista nan prepara pa un nivel mas haltu i mesora a sera tur kos.
Un di e industria nan ku a haña e sla di mas duru ku ningun hende tin masha atenshon riba dje ta e mundu di entertainment. Net awo ku djnan, bandanan, kantantenan a kuminsa haña un bida bèk, gezag i su tim ta tuma e desishon atrobe ku ta kai dirèkt kontra e industria aki ku ketu bai no a rekupera.
Mañan merdia e karta lo wòrdu entregá na gezag, pa asina wak na ki akuerdo por yega ku e industria di entertainment aki of ku e karta ta djis bai den lachi.
Un di e puntonan fuerte den e karta ta ku, ta sera mayoria aktividat pa e hende LOKAL, i Aerropuerto si ta di fiesta tur dia ku hopi bishitante.

FUENTE: LIVE 99 FM

Share This
error: Content is protected !!