Tourism Corporation Bonaire (TCB) ta kontentu di anunsiá ku Boneiru ta riba portada di e revista LINDA, edishon Bikini/Summer ku a sali dia 21 di yüli 2021.

E página ta mustra ‘Win een reis naar Bonaire’ (Gana un biahe pa Boneiru) i e promé resultado di e ‘Kras & Win’ (raspa i gana) ta mustra ku 30 mil lesadó ya kaba a partisipá riba e promé dia ku e revista a sali pa haña un chèns pa gana un biahe pa Boneiru. E bon notisia ta ku e kampaña aki lo kontinuá te ku 21 di òugùstus 2021.

Pa partisipá na e kampaña, partisipantenan tin ku kumpra e revista, i raspa na e página di e kampaña. E premio máksimo ta konsisti di un buelo ida i buelta pa 2 persona pa Boneiru i ku estadia pa 6 anochi na Courtyard by Marriott Dive Resort.

 

 

Share This
error: Content is protected !!