KRALENDIJK — Awe merdia un karta a keda hibá na gezaghebber ku kontenido tokante e malkontentu di e musiko nan no mag presenta pa nan publiko.

Na momentu ku e karta a keda entregá, gezaghebber a splika na plaka chiki ku ningun momentu e no a bisa ku no mag entertain un publiko por ehempel den restorant of hotel. Esaki por sosode normal, solamente e publiko no tin mag di kanta ni baila pa evita brote di e virus. Esaki a trese un konfushon serka tur musiko presente i asta prensa mirando ku a kompronde esaki full robes dia di e rueda di prensa. Por remarka ku gezag a keda para ariba ku e adviesgroep pa ku e medida nan aki di kambio di nivel ta konsisti di representantenan di horeca, turismo, restorant etc. i tambe a bisa ku nan mes a konsehá gezag pa e nivel aki i tabata kla i raspa tokante e kambio nan.

Musiko nan presente a dirigi diferente pregunta, i tambe a trese dilanti ku tin un malkomprendementu hopi grandi den e adviesgroep mes paso diferente restorant i hotel a kansela algun entertainer pa motibu ku a bai nivel 2 i ku supuestamentr no ta tin mag di kanta i baila. Pero gezag a para ariba ku esaki por bai dor normal pero basta ta kumpli ku distansia i otro regla nan. E kantamentu i bailamentu ku no por ta entre e publiko ku ta presente na e momentu ku tin un entertainment of otro ora nan.

Pues e karta aki di Semi a trese un aklarashon hopi grandi no pa musiko nan so sino pa pueblo kompletu ku no a kompronde e kambio nan bon bon.
Gezag a menshona tambe ku prensa nan mester ta mas skèrpi durante ruedanan di prensa i hasi mas tantu pregunta posibel pa trese aklarashon pa e pueblo ku ta skucha i mira.

FUENTE: LIVE 99 FM

Share This
error: Content is protected !!