Kralendijk – Nan ta na Aruba pa saka kara di Boneiru. E delagashon di Boneiru ku ta partisipá na e festival literario Arte di Palabra a yega djaluna na Aruba. Na yegada e komishon organisadó di Arte di Palabra Aruba, enkabesá pa Juli Merencia, a risibí e talentonan Boneriano. El a yama nan bon biní riba ‘one happy island’ i a kompaña e delegashon te na e lugá ku nan ta keda.

Parti mèrdia a hasi bishita na San Nicolas. Einan a topa ku entre otro e konosido Malonchi. Malonchi , kual a deseá e partisipantenan hopi éksito i tambe a pasa na Nicolaas Store. E partisipantenan ta preparando nan mes pa dia di kompetensia, esta djárason 28 yüli 2021. Por sigui e kompetensia riba e página di facebook di Arte di Palabra i Gobièrnu di Boneiru.

Riba foto e delegashon huntu ku komishon organisadó di Arte di Palabra Aruba, tambe den kombersashon ku Malonchi i na Nicolaas Store.

Share This
error: Content is protected !!