Kralendijk – Direktiva di ABVO te na e momentunan aki, ainda no por komprondé inkietut serka un grupo chikitu di miembronan ku ta traha na Selibon N.V.

Esaki despues ku a tuma nota ku djabièrnèúltimo den oranan di atardi un grupitu aki a aserká AFBW ku e intenshon di afiliá na e organisashon aki.

 

Den un prinsipio direktiva di ABVO no tin ningun problema si un grupo di miembro ke bai afiliá na otro sindikato, pa kualke motibu ku nan por tin. Sinembargo na ningun momentu a señalá problema òf falta di atenshon serka sierto miembronan. Kada bes ku a aserká direktiva di ABVO a atendé puntonan ku na e momentu ei por a atendé. Mester menshoná ku ya kaba a habri negosiashonnan ku gerensia pa un CAO kompletamente nobo loke ta deseo di miembronan na Selibon N.V.

 

Presidente di ABVO, sr. Robert Sances, te ku djaweps atardi lat tabata tin kontakto ku kabesante di grupo di Servisio (ántesShopsteward), ku na su turno a duna di konosé ku no tin niun problema. Seguidamente direktiva di ABVO a eksigígerensia pa entregá miembronan dokumentunan ku nan a pidi, loke djabièrnè den oranan di mainta a entregá tambe.

Pa gran sorpresa presidente di ABVO Boneiru ta haña yamada ku un grupo di trahadónan di Selibon N.V. ta reuniendo ku un otro sindikato ku e intenshon pa afiliá. Mesun anochi ta topa kabesante di grupo di Servisio, kende ta kumindá ku masha kortesia, atrobe sin ta komentá nada ku presidente di ABVO.

 

No mas ku algun siman pasá a tene un atardi sosial/informativo ku miembronan di Selibon N.V. pa asina sondia nan deseo pa ku puntonan pa un CAO nobo. Den e reunion aki e mesun kabesante di grupo di servisio aki a hiba palabra i a ekspresá su alegria kon kosnan ta bai den bon direkshon. Mas aleu te hasta a entrega grupo di servisio nan Polo Shirt.

 

Si ta manera a publiká den medionan di komunikashon ku direktiva di AFBW a manda e grupito bèk pa atendé ku ABVO, AFBW a aktua korekto. Si ta nesesario ta pone kombersashonnan ku tabata tin riba WhatsApp te ku djaweps anochi na disponibilidat di esun ku ta deseá. Debí ku na niun momentu a señalá nada.

 

Share This
error: Content is protected !!