Kralendijk – Vakashon di miembronan di Konseho Insular a kaba.Un bunita palabra pa vakashon ta “reces”.E pregunta ta kiko ta bai pasa awor. Nos ta sigui riba e mes pia ku pregunta di oposishon sin kontesta di miembronan di koalishon i diputadonan òf ta bini un aserkamentu nobo. E sistema di hasi pregunta por eskrito òf vokal a resultá di ta ko’i loko.E nuebe miembronan den Konseho Insular no ta apliká dualismo ku ta enserá kuestioná Konseho Ehekutivo. Ami no ta mustra riba pueblo pero mi ta kuestioná miembronan di Konseho Insular ku pa medio di mi voto tambe ta sintá riba e stulnan i ku mester apliká demokrasia. Mi sa ku mi no ta robes pero mi ta fadá di e prostitushon di e sistema parlamentario. Kiko por ta e dilema ku no por aseptá un moshon di deskonfiansa kontra un diputado ku no por hasi su trabou i ta deklará “zonder berouw” ku su mannan ta mará òf tin un rapòrt ku ta konkluí ku un diputado a violá reglanan den bon gobernashon. kon ta posibel ku hefe di tcb ta keda lider polítiko di un partido polítiko na kòrsou. kon ta posibel ku ta aseptá” un trahadó den tcb ku un pasado dudoso. Mi a yega na e konklushon ku esnan tantu den konseho Insular komo den Kolegio Ehekutivo no ta interesá pa bini progreso na Bonaire. Aki dos aña na elekshon lo bo haña e mes personanan na posishon haltu riba lista di e partidonan polítiko i lo keda vota pa nan pa despues sigui murmurá. Bo ta kere ku Din Domacassé i Edison Ellis lo ta un i dos riba lista di MPB. Ku Alsi Anthony i Benito Dirksz lo ta un i dos riba lista di DP. Ku Peter de Graaf i Sedney ta un i dos riba lista di UPB. Ta imposibel, pero ta papia di hubentut. Nos ta gusta fiha riba personanan konosí pero ningun a siña e siensia di polítika pero ta asumí ku Elvis Tjin Asjoe, Clark Abraham, James Kroon ta mihó ku e otronan.Awèl lubidá. Maske Nina ta esun ku mas tantu voto nunka lo ta number unu di MPB. Mi no por papia na nòmber di pueblo pero mi ta eksperensiá ku representantenan di pueblo ta mira solamente interes personal i di partido. Prueba di esaki ta ku señor Tjin Asjoe ta bai bira diputado despues ku “overbrugging” kaba i señor Thielman òf señora Den Heyer ta bai gosa di “overbrugging te elekshon 2023.

Share This
error: Content is protected !!