KRALENDIJK – Pa DaisyCoffie di Frakshon Coffie e biaha di trabou ku el a hasi komo miembro di Konseho Insular di Boneiru, huntu ku otro konsehalnan, tabata un punto kulminante den e di dos kuartal di aña 2021. Por menshoná e reunion ku Komishon Fiho di 1ᵉ Kamer pa Relashonnan den Reino, kaminda a papia entre otro tokante e tempu muchu largu ku ta dura pa tuma desishon, ku komo konsekuensia ku kosnan no ta kana. Un sugerensia di parti di e oposishon di Boneiru tabata pa na momentu ku mester tin diferensiashon, pa laga e inisiativa pa esaki sali for di Boneiru. Segun palabrashonnan e diferensiashon mester ta positivo pa e islanan. Esaki lo hasi ku e akseptashon ta bai hopi mas fásil. Otro sugerensia hopi importante pa logra mas efektividat di ámbos banda ta nombrashon di un representashon di BES na Hulanda. Esaki a kai den bon tera serka e Komishon Fiho di 1ᵉ Kamer. Otro puntonan ku a bini dilanti tabata e mínimo sosial, infrastruktura, e parti sosiali invershon pa krea trabou i asina drecha ekonomia. E Komishon Fiho ta bai pasa tur e aspektonan akí pa 2ᵉ Kamer. E miembronan di Konseho Insular di Boneiru a reuní tambe ku RaadvanState ku ta e órgano ku ta duna konseho na gabinete hulandes i na 1ᵉ i 2ᵉ Kamer tokante  e.o. e islanan BES. RaadvanState a hasi un investigashon i a traha rapòrt tokante e pregunta si e relashonnan den Reino, manera nan ta awor akí, ta benefisioso pa islanan BES. E rapòrt en kestion na e momentunan akí ta serka Konseho Insular i Kolegio Ehekutivo pa duna opinion tokante e kontenido. KonsehalDaisyCoffie ta di opinion ku por diferensiá entre kaso, pero no entre hende. Pa e motibu akí diferensiashon den kompensashon pa yu i mínimo sosial ta inakseptabel. A mustra RaadvanState tambe riba e echo ku pa hopi aña kaba ta tene reunion tras di reunion, ta konstatá ku mester di mehorashon, pero nada konkreto no ta pasa pa drecha e situashonnan sosial deplorabel. RaadvanState a reakshoná positivamente riba esaki.

 

Otro enkuentronan na Hulanda i Brussel

E delegashon di Konseho Insular di Boneiru a papia tambe ku Komishon Fiho di 2ᵉ Kamer. Segun KonsehalDaisyCoffietin hopi parlamentario di 2ᵉ  Kamer ku ta na banda di Boneiru. Nan tambe ke pa toma di desishon bai mas rápido, pero e retrasonan ta surgi serka ministernan, sekretarionan di estado i empleadonan públiko hulandes. E parlamentarionan tin e deseo pa yega na lasonan mas estrecho entre Boneiru i 2ᵉ Kamer. Tabatin hopi otro enkuentro tambe ku diferente instansia i polítiko individual. No por keda sin menshoná e bishita ku KonsehalDaisyCoffie a hasi na Mekkerhof, ku ta e promé sentro di inovashon pa krio di kabritu na Oropa: https://www.mekkerhof.nl/. Tambe DaisyCoffie a logra bishitá SamiraRafaela na Brussel, e promé parlamentario afro karibense ku ta forma parti di Parlamento Oropeo. KonsehalCoffie a haña un bon bista tokante funshon di sraRafaela i di ki manera e ta pensa di por traha na bienestar di e islanan den reino hulandes. Segun DaisyCoffie un kolaborashon ku SamiraRafaela lo benefisiá nos isla sigur i nan ta bai keda mas den kontakto ku otro, komuniká mas regular i traha mas estrecho na bienestar di Boneiru.

 

Trabounan regular di frakshon

Naturalmente den e di dos kuartal akí e trabounan regular di frakshon tambe a tuma lugá. Tin e trabounan atministrativo di ofisina di tur dia i e preparashonnan promé ku kada reunion, manera por ehèmpel preparashon pa e promé kambio di presupuesto 2021. KonsehalDaisyCoffie den diferente reunion a papia i hasi pregunta oral tokante integridat, e puntonan prinsipal di maneho i kuadro finansiero (kadernota) pa loke ta trata maneho di tereno,            siguridat kontra kandela na BIA i suministro di kombustibel i tambe tokante e bishita na 1ᵉ Kamer hulandes. Pregunta por eskrito i/òf karta KonsehalDaisyCoffie a manda tokante BonLab, Integridat di BHM, CRM-link, seramentu di Rincon riba Dia di Rincon, selebrashon Dia di Liberashon, Waf di Chachacha i Waf di Piskadó, Kaminda Playa Frans, petishon pa informashon tokante Fundashon Cas Boneriano, petishon pa diputado Den Hijer den Komishon Fiho di Komunidat i Kuido, asuntunan di Reino i preis di hür di kas di Fundashon Cas Boneriano i preis di gasolin.

 

Reunion

Durante e di dos kuartal di aña 2021 DaisyCoffie a asistí na 27 reunion repartí den reunion di presidio (4x), reunion di Komishon Fiho (16x), reunion di Konseho Insular di forma opinion (3x) i reunion di Konseho Insular di tuma desishon (4x). Den e mesun periodo aki konsehalDaisyCoffie a reuní  10 biaha ku gruponan informal, e asina yamá reunionnan sosial. No ménos ku 57 biaha DaisyCoffie a atendé ku personanan ku tin sierto problemanan i a yuda tambe kaminda e tabata por.

 

Otro kontaktonan

Banda di e bishita di trabou na Hulanda, konsehalDaisyCoffie na Boneiru mes a bishitá tambe e lugánan di baha boto, e asina yamá ‘slipway’-nan, i e Sentro di Ekspertisio pa Kuido di Enseñansa (ExpertisecentrumOnderwijszorg – EOZ). Manera kustumber DaisyCoffie a sa di mantené bon kontakto ku prensa den forma di komunikado pa prensa den diferente idioma (2x), entrevista na medionan di prensa (24x), karta publiká den prensa (8x) i rueda di prensa (2x). 29 biaha Frakshon Coffie tabatin publikashon den medionan sosial.

Share This
error: Content is protected !!