KRALENDIJK: Muchanan ta klá pa bai skol bèk i Digicel tin un gesto spesial! Kumpliendo ku su promesa, Huntu Mas Mihó, Digicel ta opsekiá 50 mucha un pelá grátis! Muchanan di entre 6 pa 17 aña di edat por risibí un pelá grátis e siman aki na Kapsalon Mia na Kaya Libertador Simon Bolivar na Playa. André,  di Digicel ta komentá, “Nos ke hasi un gesto pa e aña eskolar nobo i ta p’esei nos a kolaborá ku diferente barbero e siman aki, pa hasi algun mucha felis. Ademas, nos ta sigur ku esaki ta un notisia alentador pa e mayornan tambe. Digicel ta spera ku tur e mucha- i hóbennan lo gosa di nan pelá.”

 

Pa probechá di e oferta aki mayornan lo mester traha un sita yamando 780.9500. No ta rekerí pa bo ta kliente di Digicel. Únikamente e mucha mester presentá ku su rapòrt.  Mayornan tin chèns te ku dia 11 di ougùstùs pa traha e sita pa nan yu. Digicel ta deseá tur mucha, hóben i maestronan un aña eskolar eksitoso i ku resultadonan positivo!

Share This
error: Content is protected !!