KRALENDIJK —

Mi no por proba ku realmente tin malkontentu ku funshonamentu di Konseho Insular pa motibu ku supuestamente nivel di e reunionnan no ta aseptabel.Si ku regularidat e puntonan aki ta bini dilanti lo mester tin algu di bèrdat. Si konsehalnan tambe ta na altura nan deber ta di skucha e pueblo ku nan ta representá i respetá pa traha konhuntamente i kita e malkontentu.  Konsehalnan  mester sa ku for di 2007 te ku 2020 stabilidat den maneho di Bonaire a konosé diferente Kolegio Ehekutivo sostené pa diferente partido ku un òf mas independiente. Den e periodo 2011- 2015 PHU ku a forma koalishon ku DP i MBL a kibra e koperashon i manda  DP i MBL den oposishon i drenta ku UPB.PHU a yuda kambia e konstelashon di Kolegio Ehekutivo sinku biaha. Di 2015 pa 2019 tantu DP komo UPB a konosé problemanan interno ku a kondusí na diferente formashon di Kolegio Ehekutivo.

Na 2021 un miembro di MPB a bira independiente pero no tin konsekuensia pa e koalishon MPB/UPB. Krítika riba Konseho Insular i Kolegio Ehekutivo ta basá riba derecho di libertat di ekspreshon.Ki dia ta bini splikashon tokante: Toubot, OTB, BIA, Bopec,investigashon di Rotònde, dokumentunan pèrdí, rapòrt di BHM, tereno pa e 1180 petishon, kombatimentu di pobresa,  Akuerdo Atministrativo, e punto na horizonte, akseins pa repartí entre agrikultura, krio di bestia, peska i kultura., dikon diputado su mannan ta mará, tin kas pagabel pa pueblo, Bonaire tinganashi ku Galileo, TCB ku tin lider di partido polítiko na Kòrsou, ehekushon di Masterplan, Destinashon blou, un biblioteka moderno, mandato pa direktornan i areglo di transishon pa eks diputado ku ta bai bolbe bira diputado i e diputado ku baha ta bai risibí e areglo aki.Si realmente pueblo ta malkontentu, mi sugerensia ta. Vota na 2023 i laga e partidonan polítiko responsabel pa e maneho sa ku bo ta malkontentu òf bo ta malkontentu di gaña gaña.

Share This
error: Content is protected !!