Ecuador inisialmente tabata yama: “Real Audiencia de Quito”y tabata forma parti di Gran Colombia,
huntu ku Venezuela y Colombia.
Kolonisashon di Ecuador dor di Spaña a kuminsá mei mei di siglo diesseis, i na 1563, Quito,
e kapital di Ecuador a bira un region atministrativo di Spaña.
Despues di kasi tres shen aña ku Spañó nan a dominá Ecuador, e abitantenan di Quito tabata e promé
nan den Sur Amérika ku a kuminsá rebeliá y deklará y marka e independensia di Ecuador dia 10 di
ougùstùs 1809. Pero e Independensia aki a dura solamente 23 dia i e di 24 dia, Spañónan a bolbe tuma
mando di Ecuador Fecha nashonal di Independensia di Ecuador ta wòrdu selebrá riba dia 10 di ougùstùs tur aña.

Na Spañó: Día del Primer Grito de Independencia de Quito’ ta marka dia di Independensia
for di Spaña.
Independensia di e siudat Guayaquil ku a ser logra dia 9 di òktober 1820 a marka e
kuminsamentu di e guera di “Independencia de la Real Audiencia de Quito”.
Un soño di “El Libertador” Simon Bolívar tabata pa liberá gran parti di Amérika for di Spaña.
Su logro mas fruktífero tabata gana e bataya di 24 di mei 1822 na Pichincha.
Pichincha ta un provinsia riku na volkan y alabes e provinsia unda e kapital Quito ta keda.
E bataya aki ku a liberá Ecuador for di Spaña, a wòrdu gana dor di un ehérsito patriota,
bou di mando di un General Venezolano yama Antonio José de Sucre, konhuntamente ku
Forsanan Arma Partidista, bou di supervishon di Melchor de Aymerich y Villajuana,
un general Spañó, nase dia 5 di yanüari 1754, na Ceuta, Spaña, kordiná y guiá dor di Simon Bolívar.
Esfuersonan di e siudat chikitu Guayaquil aki ta ser mira komo un stap importantísimo den Amérika
Sentral y Sur Amérika y ku finalmente a kondusí Ecuador su independensia total for di Spaña.
24 di mei 1822, Ecuador ta selebrá su Independensia for di Gran Colombia

Dia 14 di ougùstùs 1830, Ecuador a adoptá su nòmber aktual – Ecuador, despues di a
separá su mes kompletamente for di Gran Colombia..
Dia 22 di sèptèmber de 1830, Juan José Flores y Aramburo, ku a nase dia 18 di july 1800
na Puerto Cabello, Venezuela a bira e promé presidente di Ecuador.
E nòmber Ecuador ta bin for di idioma Latin – äequator” – ku ta nifiká: “esun ku ta igualá”.
Ecuador ta duna honor na su nòmber dor ku e ta keda nèt riba e linia imaginario ku ta parti nos planeta
na 2. Parti hemisferio nort y sùit.
Awe, 10 di ougùstùs 2021, Bonaire lo hisa e bandera di Ecuador na busto di Simon Bolívar pa
konmemorá e fecha di Independensia di Ecuador na honor di tur Ekuatoriano biba riba nos isla.

Share This
error: Content is protected !!