KRALENDIJK — For di luna di ougùstùs ta posibel pa hasi kompra online via e wèbshòp di
Edukativo Bonaire. Edukativo Bonaire ta un kompania ku a ser lantá na 2018 ku e
intenshon pa duna guia den lesamentu i bende artikulonan pa stimulá lesamentu
serka muchanan di 4 te ku 10 aña.
Edukativo Bonaire ta ofresé diferente sorto di buki pa mucha riba nivel AVI,
kosnan di hunga i otro artikulonan edukativo ku ta motivá i duna guia na
muchanan den lesamentu.

Pa por hasi pedido, mester subi riba e website www.edukativobonaire.com i klik
riba ‘producten’ òf ‘webshop’. Esaki ta un primisia pa Boneiru kaminda ta fasilitá
mayornan pa hasi kompra di artikulonan edukativo den nan propio kas. Edukativo
Bonaire tin e sèrvisio pa entregá produktonan te na kas òf por pasa tuma e
produktonan ku a kumpra online. Den òktober ta spera di por ofresé mas produkto
di kalidat for di Hulanda.

Tambe Edukativo Bonaire ta ofresé ayudo i ta duna guia den lesamentu na
muchanan di 6 te ku 10 aña. Mayor por apliká pa medio di e website tambe i ta
traha un sita pa intake.
Edukativo Bonaire ta sigui mehorá su produktonan p’asina yuda nos muchanan di
Boneiru den nan desaroyo.

Share This
error: Content is protected !!