KRALENDIJK — Awe merdia a drenta notifikashon di un aksidente den e bario di nawati na altura di kaya platina i kaya nikkel. Aki pa motibu deskonosi e shofur a perde kontrol riba su bolante i a bai aksidenta den un pida mondi. Despues di e choke, huma a kuminsa sali for di e pikop aki i despues di unratu ela pega kandela i kima por kompletu. Ta trata aki di un pikop marka chevrolet basta konosi aki na Boneiru dor ku e tin un sofa den baki. E shofur a logra sali for di e pikop aki i yega poli ku un otro persona mientras ku brantwer i polis a keda dirigi na e sitio. Brantwer a domina e kandela aki rapido mirando ku e kandela a kuminsa ekspande den e mondi aki.
Ainda no ta konosi si tabata tin un pasahero huntu ku e shofur. E kompania di roadservice tabata tin doloi kabes pa saka e pikop aki.
FUENTE: LIVE 99 FM
Share This
error: Content is protected !!