Un suidadano prekupá ta ekspresá su mes pa ku e situashon aktual na Selibon.
Mi ta hende ta sigui e situashon nan aki hopi, pero hopi di aserka. Tin intrankilidat den e kompania aki, 200%
bèrdat tin intrankilidat laboral na Selibon. Tin hopi kos ku no ta bon ta tumando lugá den e kompania aki, hopi abuso
laboral i di poder.

Mi ta keda straño di tende e lider sindikal di ABVO ta bisa ku no tin intrankilidat na Selibon i ku tur kos ta kanando
bon, esaki ta mentira. Kon bo por bisa ku tur kos ta bon i tur hende sa ku tin abusu di poder ta tuma lugá einan.
Kuantu trahadó ku a habri nan boka no a bira víktima di represaya i abusu di poder na man di e tim di maneho di
Selibon. Ora ku reklamá pa bo derechi, no ta gusta i ta wak manera pa skùif bo i asta ta kitabu for di trabou.
Resientemente por a mira un mal maneho i deskabeyá ku a uza kontra un señora ku a denunsia algu komo un bon
suidadano i e tim di maneho a skors e señora aki, mi a gosa e señora balente aki ku a buska su abogado pa para e tim
di maneho abusador aki.

Ta un bèrgwensa pa un kompania manera Selibon, ta paga su trahadó nan salario nan, no korekto. Kon ta ku e
seguridat di e trahadónan i e ekipo nan ku nan ta uza pa hasi nan labor diario. Loke pueblo ta mira pafó no ta loke ta
pasa paden di e kompania aki. ta bon pa inspekshon di labor bishita Selibon.
Dikon trahadónan kada bes ta menasa di ke bandoná e sindikato ku ta representá nan aktualmente i ke afiliá na un
otro sindikato. Pasombra, nan ta sinti ku sindikato ta ku doño di trabou. Mi por a mira ku dunadó di trabou ta tur
kaminda metí ku sindikato, dikon e dunadó di trabou aki ta saka riba potrèt i ta tur kaminda ku e sindikato, akaso e
sindikato ta na banda di dunadó di trabou i no na banda di e trahadónan, netamente esnan ku e mester ta representá?

Hopi pero hopi pregunta, hopi kos dudoso.
Kon por ta asina ku e mesun dos hende nan pa aña nan kaba ta “wheel and deal” den e kompania aki, kon bini no tin
mas hende den e tim di maneho.
Hopi hende ta bin traha na Selibon pero nan no ta keda traha na Selibon, pa motibu di e maneho di ta “nos dos ta
disidí aki nan”.

Aktualmente tin un trahadó ku diferente pèchi i sombré bisti, e ta hasi mas di 3 funshon den e kompania aki, ku ta
lógiko ku e no por ehersé esaki nan bon, pasobra esakinan ta muchu pe. Mester bini un sistema korekto pa ku e
departamentu di rekurso nan Humano aktualmente esaki no ta korekto pa ku e trahadónan i e forma ku e
dokumentonan ta wòrdu entrega na e trahadónan no ta esun mas korekto.
Ta un bèrgwensa di mira kon asta SELIBON a haña un nòmber riba ret nan sosial “SEX CLUB SELIBON N.V.”
Tur hende sa ki bagamunderia ta sosodé ei den nan, pero ni e direktor, ni diputado no ta hasi nèt nèt nada pa ku e
persona aki. Trahadónan mes ta konta i ta mira tur esakinan sosodé, ma ta straño kon e direktor so no ta mira òf no
sa.

Pregunta kiko tin di skonde pa otro? Dikon ta sigui aseptá e faltamentu nan aki?
Tristu pa e imágen di un kompania kaminda gobièrnu ta doño tin un imágen asina aki. Loke pueblo ta mira tende i
skucha, esaki ta e imágen ku pueblo ta mira ei for nan un situashon tristu i amargo.

Share This
error: Content is protected !!