Kralendijk – Awe 17 ougùstus ta hasi eksaktamente 20 aña ku e kompania Divi Divi Air, a kuminsa ku su buelo nan entre Korsou i Boneiru ku despues a ekspande yega e isla di Aruba tambe. Un i tur por kòrda tur e problemanan ku e kompania e tempu ei ALM i despues DCE tabata enkontra nan kune kual tabata hasi e komunikashon entre e islanan ABC dia pa dia mas difisil i tabata okashona sigur pa turistanan ku mester a hasi uso di e areoliña nan aki komo buelo di konekshon pa sigui pa otro paisnan. Tabata eks piloto Sr. Hans Barth ku a inverti den un avion beach-craft ku ta karga shete (7) persona pa kuminsá ehersé e buelonan entre Boneiru i Korsou. Tabata riba un dia manera awe 17 ougùstùs 2001 riba un djaluna ku e promé buelo ku Divi Divi Air entre Boneiru i Korsou a keda ehersé. E tempu ei tabata serka Jacintho Cicilia ku por a reserva un pasashi ku e tempu ei tabata kosta 69 florin i no por a kumpra of reservá un tiket ida i vuelta.

Share This
error: Content is protected !!