Kralendijk:  Miembro di direktiva di ABVO stanly Jozef Heerenveen  (80) a fayese djaluna ultimo. Na anja 1982 ela bira miembro di ABVO i na 1987 ela keda eligi komo miembro di direktiva di e sindikato.

Despues di a keda 2 anja sin a postula su mes komo kandidato pa direktiva di ABVO, den elekshon na anja 1984 e la keda eligi atrobe komo miembro di direktiva te na anja 2015. Den transkurso di anjanan ela sigui diferente kursonan riba tereno sindikal na universidad di los trabajadores (UTAL) na Venezuela.

Na 1992 durante tres siman huntu ku otro kompanero sindikalista di Antia Hulandes e la partisipa na tayernan di trabou i formashon na ministerio di asuntonan eksterior di hulanda. Na 2015 riba rekomendashon di direktiva di ABVO despues ku e no a buta su mes reeligibel mas, kongreso a bai unanimamente di akuerdo pa hasiendo uzo di e posibilidat eksistente den statuto di e sindikato pa nombra su persona komo miembro di direktiva den funshon di sekretario ehekutivo, funshon ku ela sirbi te na momentu ku ela sufri un malesa.

Stanly a nase dia 27 di augustus 1940. E tabata miembro di direktiva di tantu na korsou komo na boneiru. Di parti di ABVO nos ta desea su famianan forsa i konsuelo den e momentunan aki ku Stanly sosega na pas i danki pa tur e labornan ku bo a hasi pa ABVO.

Share This
error: Content is protected !!