riba djaluna 16 di ougùstùs sentral di polis a risibí notifikashon ku a gara un hòmber na momentu ku e tabata ke hòrta den un outo ku tabata stashoná na un kompleho di apartamentu situá na Kaya Rotterdam. E sospechoso a logra bai for di e sitio, pero e persona atento ku a yama sentral di polis, por a duna un bon deskripshon di e hòmber i a sigui wak unda e hòmber a bai. Dor di esaki e por a mèldu den ki outo ku kua plachi di number e sospechoso a kore bai.

Despues di un búskeda kòrtiku a señalá e outo aki na altura di ‘Thousand Steps’. Aki a kontrolá e sospechoso i a listra su outo. Durante esaki a bin topa ku un pistol armá i tambe munishon i a konfiská esakinan. A konfiská e outo tambe pa investigashon mas aleu. A detené e hòmber di inisial H.A.C. di 56 aña en konekshon ku intento di ladronisia I pa violashon di Lei di Arma BES.

Investigashon den e kaso ta andando.

Share This
error: Content is protected !!